Дэлхийн тамхины эсрэг өдрийг угтан Дархан-Уул аймгийн Эрүүл мэндийн газраас худалдаа үйлчилгээний газруудаар үйлчлүүлж буй иргэдэд тамхины болон электрон тамхины хор нөлөөний талаарх мэдээлэл, сурталчилгаа хийлээ. Тамхины орцод хүнцэл, аммиак, формальдегид, азотын хий гэх зэрэг олон төрлийн үхлийн аюултай химийн хортой бодисууд байдаг. Тамхийг тогтмол хэрэглэх нь хорт хавдар, чихрийн шижин зэрэг хүнд өвчнөөр өвчлөх үндсэн шалтгаан болдог байна. Тамхинаас татгалзаж өөрийн болон бусдын эрүүл мэндийг хамгаалаарай.
