Тус сарын хүрээнд Хүн амын дунд зонхилон тохиолдож буй халдварт бус өвчнөөс урьдчилан сэргийлэх, эрүүл зөв дадал бий болгох зорилгоор “Эерэг хандлага-Эрүүл оюутан” уриатайгаар алхалт, дасгалыг Дархан-Уул аймгийн Эрүүл мэндийн газраас зохион байгуулагдлаа.
Энэхүү үйл ажиллагаанд ШУТИС, Хүмүүнлэгийн их сургууль, Дархан Өргөө, Политехник коллежийн нийт 200 гаруй оюутнууд идэвхтэй хамрагдлаа.
Дэлхийн эрүүл мэндийн байгууллагаас насанд хүрэгсэд өдөрт 30 минут, хүүхэд, өсвөр үеийнхэн 60 минутын хугацаатай идэвхтэй хөдөлгөөн хийж алхахыг зөвлөдөг байна.
Манай улсад 15-69 насны хүн амын 21,9% нь хөдөлгөөний хомсдолтой, амралт чөлөөт цагаараа идэвхтэй хөдөлгөөн хийхгүй байдгаас 49,4% илүүдэл жинтэй гэсэн судалгаа байдаг. Иймээс эрүүл мэндийнхээ төлөө идэвхтэй дасгал хөдөлгөөнд нэгдэхийг уриалж байна.