Баярын өдрүүдэд гэр орон, ажлын байрандаа зул, хүж, лаа зэргийг унтрааж гарах, хараа хяналтгүй гал түлж орхихгүй байх, цахилгааны хэт ачаалал үүсгэхгүй байх, цогтой үнс, нурмаа ил задгай асгахгүй байж галын аюулгүй байдлыг хангахыг Аймгийн Онцгой байдлын газраас сэрэмжлүүлж байна.
Энэ сарын 26-28 ний өдрүүдэд агаарын температур буурч, нэмэх градуст шилжинэ. Үүнтэй холбоотойгоор Хараа голын дагуу мөс хотойх, цөмрөх үзэгдэл ажиглагдаж байгаа тул цаг хожих, зам товчлох зэргээр мөсөн дээгүүр явган явах болон авто тээвэр хийхгүй байх, баталгаат зам гүүрээр зорчихыг онцгойлон анхааруулж байна.
Мөн энэ үеэр томуу томуу төст өвчин, улаанбурхан, менингокок өвчний тархалт нэмэгдэх хандлагатай байгаа тул онцын шаардлагагүй тохиолдолд бага насны хүүхдийг олон нийтийн газраар дагуулж явахгүй байх, амны хаалт хэрэглэхийг зөвлөж байна.
Дархан-Уул аймгийн Цагдаагийн газраас сар шинийн баярын өдрүүдэд орон байр, орон сууцыг харгалзах хүнгүй үлдээхгүй байх, орон нутгийн замд зорчихдоо зам тээврийн ослоос сэргийлэх, архи согтууруулах ундаа хэрэглэсэн үедээ жолооны ард суухгүй байхыг анхаарууллаа.